Ekainak 3, atera bandera

Datorren Ekainak 3an, kupida gabeko eraso bat jarriko da martxan gure gizarte, estatu eta sinboloen aurka. Nafar Banderak ez du jaberik, nafar gizartea bere osotasunean ezpada. Beraz nafar banderaren berenganatzea egin nahi dutenak ezi dira erantzunik gabe geratu. Ta erantzuna ezin da izan beraien jokoan erortzea. Gizartea banatuta nahi dute «haiek-gu» batean. Hau egiten denean, edonor dela ere, erraz asko hasten gara «nafar on»-en txartelak banatzen.

Helburu horrekin egin dute deialdia historia, sinbologia, tradizioa, eta sentimenduak traizionatuz UPN-ko kideek.

Erantzunik onena ziurrenik Ekainak 3an bertara gerturatzea eta gure nafar bandera pomelatuekin agertzea litzateke, gure estatuaren subiranotasuna aldarrikatuz, erantzunik onena. Seguruaski nazionalistak garela leporatuko ligukete, ez daroagula benetako nafar bandera, eta abar. Dena gutxi batzuek gizarte osoan hedatzen duten nafarroarenganako traizioa ezkutatzeko.

Horregatik, eta ekimen erraz zein aldi berean txundigarria aurrera eramateko Ekainak 3an gure etxeen balkoietan nafar banderak zintzilikatzeko deialdia egiten dugu. Gure estatuaren bandera, ez menpekotasunaren bandera, baizik eta subirautza eta libertatearen bandera. Igo gure gazteluetara, gure eraikin aipagarrienetara, gure independentzia eta libertatearen espresio diren arrasto horietara eta hedatu gure ikurra. Ekainak 3, atera bandera!